Shooting Stars na Pa-Fall

'Like a shooting star, flash across the room, so fast, so far you were gone too soon.'

Hindi ako magaling na story teller pero minsan nais ko ring sumubok maglahad ng mga kuwentong pag-ibig, pero hindi sa pamamaraan na kailangang landiin ko ang mga mambabasa na katulad ng ginagawa  ng iba diyan. Napaka hopeless romantic ni koya.

Tawagin na lang natin ang kuwentong itong "Shooting Stars."

Teeth-Shooting Star

Are you happy you're a shooting star
Able to observe so many wishes that we make
Are you happy you're a shooting star
Able to give wonder to a galaxy of eternal mystery

Inside my mind
I'm waiting for you
Inside my mind
I'm searching and waiting for you

And maybe I'm lucky to have seen you tonight
Coz I needed something I have always dreamed about
It doesn't matter if I can go through
I just want my eye inside this tunnel to heaven

And I wish

High and low, find some snow
I need to know from you
Lying low, I have to grow
I need to know from you

December 17, 2012 11:45 PM.

Mula sa  kanilang bubungan, umakyat si Yssa at tumitig sa kalangitan. Pinagmasdan ang kagandahan ng milyun-milyong bituin sa payapang gabi.

Isang bulalakaw.

Pumikit si Yssa. "Sana akin na lang si James," tahimik niyang hiling.

December 18, 2011 12:07 PM

Nakatitig si Yssa habang pinagmamasdang kumain ang kaibigang si James. Nakikinig habang maingay na hinihigop ang mainit na sabaw. Nakangiti sa mga kwento ng kasama kahit hindi naiintindihan ang mga sinasabi nito. Nakatitig pa rin siya sa kanyang kaibigan, habang ngumunguya, ngumangasab ng tender pork loin sa karinderya ni Aling Pats.

Ang tanong sa kanyang isipan: Matutupad kaya ang aking kahilingan?

Parang narinig ang kanyang katanungan, sa muling paghigop ng sabaw ay napatingin sa kanya si James at kinindatan ang dalaga. Napangiti si Yssa at pilit na inilabas ang kanyang dimples.

January 21, 2012 4:27 PM

Tahimik na nagtatrabaho ang dalaga. Umupo sa tabing station niya ang kaibigan.

"Ano ang gagawin mo mamaya?" tanong ng binata.

"Wala naman, what's on your mind?"

Mula sa bulsa ng pantalon ni James ay may pilit na inilabas ang gwapong binata, dalawang ticket ang ipinakita kay Yssa.

"Meron nagbigay sa akin, free tickets sa palabas na "Kangkong".  "Gusto mo sumama? Wala akong date?"

"Sure," sagot ni Yssa.

January 22, 2012 10:48 PM

Sabay umuwi sina Yssa at James hawak nila ang free kangkong bilang freebies sa palabas na kanilang pinanonood sa sinehan ng Lotus Mall.

Magkahawak sila ng kamay, at inihatid ni James si Yssa sa kanilang tahanan. Simpleng goodbye lang at pasasalamat ng binata sa kaniyang imbitasyon. 

"Good night, see you tomorrow."

February 14, 2012 6:00 AM

Dumating si Yssa sa opisina at nagulat sa isang dosenang pulang rosas na nakapatong sa lamesa. Meron ding mga tsokolate katulad ng Ferrero Rocher, M&M, Snickers, Mars, Nestle Crunch at Hany. (talagang nakita ng narrator?)

Ang lahat ng ito ay galing sa mahal niyang binata.

April 4, 2012 6:28 PM

Mahigpit na niyakap ni Yssa si James. Huling araw ng binata sa kumpanyang tinatrabahuan nila. Nakatanggap ito ng mas maayos na trabaho sa isang mas malaking kumpanya.

Mahigpit ang  yakap ng dalaga.

Mamimis niya si James.

Mahal na niya ito.

Hinalikan siya sa pisngi. Habang unti-unti nang nagkikristal ang mga mata ng dalaga at papatak na ang luha.

"I will still see  you." tugon ng lalake, habang pinupunasan ang mga luha ni Yssa.

May 3, 2012 7:18 PM

"I'm sorry. Can't make it tonight. Busy with work." Text ni James kay Yssa.

September 5, 2012 4:11 PM

Muling nakita ni Yssa si James habang naglalakad sa mall.

Mag-isa ang binata sa  isang mamahaling kainan.

Lumapit ang dalaga upang kamustahin ang lalaking kanyang minimithi.

"Hi," bati niya.

"Yssa," gulat na sagot ni James. Niyakap ng binata ang dalaga. "It's been a long time. Kumusta ka na?"

"I'm good. Namiss kita."

Ngiti lang ang sagot ni James.

"Hi,'' tinig ng isang babae mula sa likod ni Yssa. Isang magandang dalaga. Blonde, maputi, porselana ang kutis, naka shades at may bag na Hermes.

Tumayo si James mula sa kanyang upuan, nilapitan ang dalaga at hinalikan sa labi.

"Patricia, si Yssa. Dati kong katrabaho. Yssa, Patricia.....girlfriend ko."

Nawala ang ngiti sa labi ng dalaga. Nagmamadaling nagpaalam.

Lumuluhang natulog si Yssa.

At sabay sambit habang humihikbi, "hindi na ako naniniwala sa mga falling star." (hikbi)

December 17, 2012 12:54 AM

"I wish to find my true love," tahimik na bulong ni Patricia nang makakita ng isang bulalakaw.

Sana'y nagustuhan ninyo ang kuwento ng aking kathang isip.