Wanted: Darna

'Sino nga ba ang susunod na Darna?'

Kung tatanungin ko kayo ngayon, sino ang nagiisang Superhero ng childhood niyo?

Eh siyempre di nama kayo agad makakasagot di ba? Kaya kung ako ang tatanungin niyo, ang gusto kong maging superhero sa Pilipinas at para na rin sa sarili ko ay si Iceman! Natural mente ang follow up question na "bakit?"

Oo nga bakit nga ba si Iceman?

"Si Iceman ay beki."

Eh kasi ayos siya eh, okay siya di ba? AyosMan! Joke lang pasensiya na sa hirit na Tito jokes, pagbigyan niyo na ako isang bagsak lang naman. Pinili ko si Iceman kasi cool siyang superhero, just like me Jack cool with spacing, wag pagdidikitin dahil nakaamba na naman yang berdeng substance sa utak mo. Bagay kasi si Iceman sa Pilipinas, kung saan ang halos lahat maiiinit ang ulo. Iba ang presence ni Iceman, siguro kahit trapik sa Edsa, maramdaman lang ang presensiya niya, lalamig na ang ulo ng mga tao. Magagawa rin kasi ni Iceman na isang bloke ng yelo ang baha, so hindi  tayo magkakaron ng problema sa baha, yung liquid state magiging solid state pansamantala. Kung nageexist siguro si Iceman sa kasalukuyang panahon, puwede niya gawing Winter Wonderland ang buong Pilipinas, hindi man umuulan ng yelo, pero puwede niyang palamigin ang buong paligid sa pamamagitang ng kanyang super powers na budburan ng snow ang buong paligid. E di wala nang tambay na nakahubad sa mga tindahan, lahat sila giginawin at mapipilitang mag T-shirt kahit butas. Ang mga bata na naglalaro ng LOL at COC maglalabasan para magbatuhan ng snow balls, kaso sa Pilipinas siguro ang snow balls na madadampot mo may halong ebak ng aso o kaya ng tao mismo. Makikita mo ang mga tao na naka jacket all the time, kaya kahit araw-arawin ang APEC hindi sila masusunburn sa paglakad sa kahabaan ng Roxas Boulevard. Si Iceman din ang magpapakalma sa mga taong laging sambit pag pasko ay SMP na naman ako. Ayan si Iceman ang magiging taga payo niyo kaso baka lalo sila ginawin kapag si Iceman ang naging chairman ng grupo na yan.

So much from my superhero na tohl, mukhang ang dami ko nang nasabi.

Doon naman tayo sa sariling atin. Lahat tayo balang araw nangangarap na may bigla na lamang susulpot na tagapagligtas o sugo mula sa kabutihan ng langit, bababa sa lupa at tutulong upang mapuksa ang lahat ng uri ng krimen sa bansa. Halos lahat ay kathang isip lamang at namamayani lang ang kuwento sa likod ng drawing sa mga komiks. Lahat ay nagsisilbing pangarap lang, mula sa maliit na espada ni Flavio na humahaba at umiilaw kapag sinasalakay na ng mga halimaw ang isang bayan at doon lalabas ang magiting na si Panday para puksain ang mga walang ka ener energy na halimaw, isang sipa lang tigok na. Pero tingin mo ba makakakita tayo balang araw na babaeng Panday? Kasi nabanggit niya ata na ipagpapatloy niya ang mga ginawa ng kanyang ama. Ano kayang itsura ng costume ng babaeng Panday? Panday 4 na ba ito?

Mula sa isang nilalang na nangangalakal lang ng bote,diyaryo at garapa na nagantimpalaan ng isang makapangyarihang barbel mula sa Gold's Gym na ngayon ay Mayor na ng Quezon City na si Bistek Herbert Bautista, hanggang sa mga instant bawang granade ni Kumander Bawang, hanggang sa minanang agimat ni Pepeng Agimat kay Pepeng Kuryente, mula sa meteorite powers ni Extranghero, mula sa Lastikman ni bossing Vic, at sa mga insta moves ni Leon Guerrero (Lito Lapid) huwag mo lang siya kakausapin ng Ingles kasi itutumba ka niya for sure at sa mga nagsuot ng pang aerobics costume ni Darna. Lahat ng yan ay Pinoy superheroes sa likod ng tabing at nagmula sa mapaglarong isipan ng mga manunulat sa komiks.

Pokus tayo kay Darna.

Alam mo ba na ang kapanganakan ni Darna sa komiks ay nagsimula panoong taong 1947? Mula sa malikhaing isipan ni Mars, (uuyyy Maarsss) Mars Ravelo binigyang buhay niya si Darna. Pero alam mo ba na hindi pa Darna ang alias niya. Ang pinakauna-unahang Darna ay pinangalangang "VARGA" hindi yung singer na si VERNIE, sadyang Varga lang na ang nag published ng komiks ay ang Bulaklak Magazine. Nilisan ni Mars ang Bulaklak at mula sa bagong publication ng Ace ay doon niya muling nililok ang katauhan ni Darna.

1950, unang lumabas si Darna sa Pilipino Komiks. Ang unang istorya ng kanyang pakikipaglaban sa kasamaan ay laban kay Valentina, alam kong kilala niyo yan, siya yung may sandamakmak na ahas sa ulo. Ano kayang shampoo ni Valentina?

Pero alam mo ba tohl na marami nang ag portrait bilang Darna. Narito ang ilang listahan ng aktres at pelikula:

1951 - Darna - Rosa Del Rosario / Mila Nimfa 

1952 - Darna at Babaeng Lawin - Rosa Del Rosario / Mila Nimfa

1963 - Si Darna at ang Impakta - Liza Moreno

1963 - Darna vs. Isputnik - Liza Moreno

1965 - Darna at Babaeng Tuod - Eva Montes / Coney Angeles

1969 - Darna at ang Planetman - Gina Pareño / Gina Alajar

1973 - Lipad Darna Lipad - Vilma Santos

1973 - Darna and the Giants - Vilma Santos

1973 - Darna vs. The Planet Women

1979 - Darna Kuno? (Darna Parody) - Dolphy, Brenda De Rio, Lotis Key

1979 - Bira Darna Bira! - Rio Locsin

1980 - Darna and Ding - Vilma Santos

1991 - Darna - Nanette Medved / Francine Prieto

1994 - Darna, Ang Pagbabalik - Anjanette Abayari

Meron din nagsa-Darna sa mga TV serye

1977 - Lorna Tolentino

1986 - Sharon Cuneta

2003 - Regine Velasquez

2005 - Angel Locsin

2005 - Katrina Halili (as the first Black Darna)

2009 - Angel Aquino

2009 - Marian Rivera

....at meron ding mga nagmuntikan na maging Darna pero hindi nagmaterialized:

1993 - Alma Concepcion

1993 - Daisy Reyes

2007 - Karylle

2007 - Rhian Ramos

2007 - Jackie Rice

At ngayong 2015 o sa susunod na taong muling lilipad si Darna at muka atang bagong TV series na naman ito, at ang mga pinagpipilian mula sa Kapamilya network ay sina:

*Jessie Mendiola

*Bea Alonzo

*Anne Curtis

*Erich Gonzales

*Iya Villania

*Iza Calzado

*Julia Montes

*KC Concepcion

*Kim Chui

*Maja Salvador

*Cristine Reyes

Ikaw tohl, sinong bet mo? Alam kong gusto mo maging si Ding pero hindi ka puwede dahil baka ibang bato ang ibigay mo kay Darna, kaya mabuti pang wag ka na mangarap. Ayoko isiping showbiz ka-cheapan ang topic sa post na ito, napapagusapan lamang naman po ang mga Pinoy Superheroes at ang sariling atin na si Darna. Pero kung ako mismo ang bibigyan ng pagkakataon para pumili ito ang mga nasa listahan ko:

Si Angelica Panganiban kaya?

Hmmm ano sa tingin mo tohl? Another tisay na darna in the making, ang kaso lang kapag nagkaroon ng billboard sa EDSA eh magbumper to bumper ang mga sasakyan o di kaya ay magkaroon pa ng aksidente sa tuwing titingala sa flyover. Kailangan niya rin siguro ayusin yung tono ng kanyang pananalita baka kasi....

"Tangina Ding! Ang bato akin na leche ka! DARNA!!!"

Eh si Gretchen Barreto?

The first ever sosyalin Darna in the making? babagay kaya ang role sa kanya? At pag nagkataon siya ang unang Darnang may balat sa braso. Tapos si Claudine daw ang gaganap na Valentina, ayos baka maging makatotohanan ang fight scene! Cut! cut! direk  hindi puwede ang sosyal.

"Ding. Where's the swarovski?!

Tohl, Anne Curtis?

Bagay sana at ayos na rin ang pananagalog ng magandang binibini, pero ang dating talaga ng beauty niya sa akin eh pang Wonder Woman. Siguro kung naging fil-american lang si Darna puwede. Pano kung hindi ibigay ni Ding ang bato?

"Ding! Ang bato!"

"Ayaw ko nga."

Anne: I can buy you Ding. Your friends and that stupid bato!"

Ryan Rems?

Orayttt ba't ko siya sinali sa listahan ko? Male version na tutugis sa mga adik.

"Ding ang bato!"

*Ding gives shabu* 

Eto pare, Ella Cruz?

Okay yan isa sa pinakapaborito ko ay super petite, maganda ang mukha at maliksi sa mga fight scenes kasi sanay ang katawan sa paggalaw at pagsayaw. Ang tangi ko lang naiisip, maikli ang mga galamay niya at binti, baka kasi hindi umabot sa kalaban ang mga suntok at sipa. Ito siguro ang version ng cute na Darna...

"Ding ang bato!" Nilunok pero para magtransform na Darna hindi siya iikot, magtutwerk muna siya bago makapagpalet ng  anyo.

Jolina Magdangal?

Aba kung may petite, puwede rin ang kikay na Darna, at yung bato nasa kikay kit. Kaso baka maging costume ni Rainow brite ang original costume ni Darna.

"Chuva chuchu chuva chuchu. DARNA!!!"

Kim Chui kaya?

Yun! mahaba ang galamay, pang roundhouse kick ang mga binti, ayoko lang isipin na sa sobrang fight scene eh ma-injured at magkalas kalas ang buto ng ating former PBB teen winner.

"Ding! Ang bato!!

"Saglet." (pinagmasdan ang bato, kinilatis)

"Parang ito na ata ang icing sa ibabaw ng cupcake ko."

Kris Aquino?

Ay, baka maraming mabuwisit. Tama, tama pang bagwa lang ito.

"OMG!! Nakakaloka ka Ding! Hwa! hwa! hwa! Make abot the bato na!! DARLAAA! oopsss DARNA!!!

Pero  alam mo tohl, isa lang talaga ang pinapantasya kong gumanap bilang si DARNA at sana ako ang kanyang Ding. :p Eto siya oh, boto ka ba sa personal choice ko? Para sa eknomiya!

"Ding ang bato!"
ako: "Oo, eto na nanginginig pa!"