Last Plunge of Summer

'Goodbye Summer of 2015. Thank you for the memories in the bath-tub.'

Mayo 29, 2015, dalawang araw na lamang bago mag Hunyo, lumulungkot na sila, unti-unti nang na tatapyas ang mga araw  ng mga huling sandali, tila babalik na ang pinakaaayawan nilang  mga araw pero kinakailangan. Ganun talaga mga bata maski ang summer o araw ng tag-init at bakasyon engrande ninyo ay walang nakasulat na may poreber. Balik-eskuwela,  pagwawakas  ng vacation leaves at pagtatapos ng bakasyon summer. Pero ang gusto kong tukuyin ngayon ay kamusta ba ang naging bakasyon niyo? Kamusta ang araw ng tag-init?

Pero kung ako muna ang inyong tatanungin, paano ko ba sinabayan ang init ng araw? Sabihin na natin na isa ako sa may mga barkada na nag-aya sa tabing-dagat bago pa lang mag-umpisa ang Marso,  isa ako sa kanila na naging excited dahil sa kanilang paanyaya, pero alam mo Mayo na mga kaibigan , anyare  na usapan na magpupunta tayo sa dagat at magtatampisaw sa tubig-alat sa ilalim ng tindi ng sikat ng araw? Maaga pa lamang eh bumili na ako ng  aking mga summer stuffs, kagaya ng hapit na boxer shorts, sunglasses, off lotion (mali ang bili ko, hindi pala malamok sa beach), salbabida, hiram na kamera, beachwalk sandals, extrang abs (san nakakabili?) sando sa Baclaran na may disenyong plorera at kung anu-ano pa na may kinalaman sa Summer. Pero mukhang ang lahat ng ito ay nalusaw  ng dahil sa mga  paanyayang drawing nila. Ayos lang kaya  ko pa rin i-ispend ang tag-init kahit  hindi sa beach. Dito na lang ako sa bahay, kung tatalunin lang naman ang init ay maraming paraan.

Ngunit kapag titingin ako sa mga telebisyon, commercial ads, internet pop-up ads   at sa pagtulog ay hinahunting ako ng mga kasiyahang puwedeng idulot ng summer. Shet, tangna  nakakaiingit at sabi ko sa sarili ko, "mapalad ang mga taong kapiling ang dagat sa mga araw na ito." Yung mga ads sa TV ng ABS CBN na campaign ads nila tungkol sa Summer, yung makikita mo yung mga nakabikini na katulad nila Anne Curtis at Coleen Garcia,  napakaswabe. Yung mga pormahan ng mga kalalakihan na nakasandals, shorts, polka dots na manipis na polo shirts at naglalakihang abs eh hahanga ka sa kanilang OOTD. Ganun ang pakiramdam sabay sasabayan pa ng mga kantahang reggae na nagaayang magbabad sa tubig kagaya  nito:

Reggae + Summer = Relaxation (performing artist, Engkanto - Tubig-Alat)

Nakita ko rin sa mga commercials yung mga pampalamig na makakaen at  maiinom, kaya ko rin naman bumili ng mga yun kaso siyempre iba kapag nasa   tabing-dagat ka at white sands. Okay na sana kahit dito na lang ako pumuwesto sa tapat  ng ilog ng Tanzang Luma e, ang kaso puta bawat higop mo ng malamig na pampalamig  gaya ng Slurpee o Chillz siya ring langhap mo ng sari-saring amoy ng tae na sumasama sa hangin, oo may mga scenery din dito, yung mga nakapanty lang na tumatambay sa tabing ilog, mga nakapanty na mga batang-uhugin sa tabing ilog. May mga kalalakihan din naman na may abs ang kaso lang kulay charcoal na yung abs nila at ang sarap nila hiluran ng liha. Naging ganito sila dahil lagi sila  nakabilad dun sa   ilog at nangunguryente ng makakaing janitor fish na malnourished.

Hah! (gigil) nakakainis din itong mga ads na nagpo-pop up sa Internet, kaya gumamit muna ko software na ad-blocker hanggang sa  mag tag-ulan. Nakakaasar yung mga paanyaya sa mga free package trip sa Boracay, Dakak, Aman  Pulo, Ilocos beaches at kung anu-ano pa. Sunod-sunod ang pag-bulaga sa akin ng mga ads  na yan at malapit na akong mabaliw noon at pasalamat na lang  ako na gumana pa yung software. (Bitter amputa) Hindi, hindi ako ampalaya ayoko lang  muna talaga siguro ngayon ng summer fun. Kung katapusan pa lamang ng Abril ay puwede ko pa maremedyuhan kahit siguro wala akong makasama, o kaya kahit mag-imbita na lang ako ng mga taong-grasa sa kalye para may makasama okay lang at nakatulong pa ako sa social life nila kahit panandalian lang. At least puwede na ulet  silang hindi maligo pagdating ng  tag-ulan.

'sun-kissed'

Ang tagal ko na  rin kasing hindi nakakatapak sa mainit na puting buhangin at magvolleyball habang nakayapak. Na-miss ko na rin na iligtas ako ng isang katulad ni David Haselhoff na kilalang aktor sa Baywatch sa tuwing aakting ako na nalulunod, kahit tuhod lang ang nalulunod sa akin. Nakakamiss ang nagagandahang katawan sa beach, alam mo ba kung bakit ako laging may dalang sun block lotion? Hindi ko ito ginagamit sa akin, likas na akong negro at wala na akong pake kung mangitim pa ko sa ilalim ng matinding sikat ng sun. Ang mahalaga hawak ko ang lotion na ito at kapag may nakita akong sexy chiq na nakadapa sa buhangin na mala Erika Eleniak at Pamela Anderson ang wangkata, eh magooffer ako na pahiran ng lotion ang kanilang mga likuran. Minsan lang eh, napeke ako, maganda ang katawan, maputi at tisay, blonde ang buhok kaso nung tapos ko na pahiran ang kanyang likod sabay harap niya at sabay sambit na tinig ni Inday Badiday, "Salamat koya , sa uulitin" putang'na bakla pala!! Gusto ko na lang talaga magpakalunod nun at magpasagip ulet kay David Haselhoff na mala-slow motion ang takbo sabay babanat ng themesong ng Baywatch: "Some people stand in the darkness afraid to step into the light...."

Baywatch - sikat na palabas noong 90's sa TV primetime every Summer, Friday evening.

Iba rin kasi ang tsibugan kapag summer, yung simpleng hotdog on stick na karaniwang mong niluluto sa bahay eh mas lalong sumasarap habang kinakain mo sa tabing beach. Ba't nga ba ganun? Nadadala siguro tayo ng paligid at mga tanawin. Yung saya ng damdamin isa rin sa mga factor yan. Siguro  kahit ampalaya on stick makakaen ko basta kapiling ko ang kagandahan ng environment. 

Paano mo nga ba mabebeat ang heat kapag nasa bahay ka lang? Sabi ko  nga kanina maraming paraan basta kapiling ko ang rubber ducky ko sa aming bath tub okay na ako. O di kaya ay gawing beach ang bakuran, maglatag ng mini pool na puwedeng magkasya ang tatlo o apat  puwede ka na magtampisaw, magpagawa at magpa print  ng tarpaulin na ang design ay pang beach. Puwede mo rin isara ang kalye niyo at duon maglatag ng pool kung gusto mo talagang maramdaman ang rays ng sun.

Mag sunglass at buksan ng malakas ang DVD at patugtugin muli ang themesong ng Baywatch. Puwede ka ring manood ng mga pelikulang may kaugnayan sa beach stories ka tulad ng Jaws o kaya Piranha, budburan ng piranha ang pool para mas true to life ang panonood. Huwag kalimutang ipaskil ang life size poster ni David Haselhoff para sa inspirasyon ng summer. Kapag dadaan na ang trak ng basura sabihin na lang na sa kabilang kalye na lamang dumaan. 

Nagtanong ako sa ilang mga kabataan dito sa aming lugar na naglalaro ng  DOTA at COC kung ano pa nga ba ang ibang dapat gawin para mapawi ang init ng tag-init. At ito ang kanilang mga tugon na isinalin din natin sa Ingles para  naman sa mambabasa natin sa ibang sulok  ng mundo.

Question: Ano'ng ginagawa mo kapag mainit ang araw o panahon?

What do you do  when the weather is hot?

Ano'ng puwedeng gawin kapag matindi ang sikat ng araw?

What can one do when the sun is shining intensely?

Answers ng mga DOTA, COC, TETRIS and former FARMVILLE players

Umakyat ng puno

climb a  tree

Lumangoy sa dagat

swim in the ocean

Kumain ng sorbetes

eat ice cream

Uminom ng malamig na tubig

drink cold water (just be careful of tonsilitis)

Umakyat ng bundok

hike up a mountain

Maghanda ng inihaw

prepare a barbecue

Magtampisaw sa tubig

play in the water but not in the drainage or canal

Buksan ang bintana

open the window and the Windows 7

Mangisda (isa sa kuryente boys)

fishing

Mamangka sa dalawang ilog

betray your girlfriend 

Gumamit ng pamaypay

use a handheld fan

Buksan ang bentilador

turn on the electric fan

Magdilig ng halaman

water the plants

Mag pik-nik

have a picnic 

Tunay nga naman na naguumapaw ang saya kapag tag-init at bumabiyahe ng malayo para magbakasyon at magbabad tayong lahat sa lamig ng tubig, maraming paraan para mapawi ang taglay na init ng panahon pero ang pinaka perpektong paraan na alam ng nakakararami ay makapiling ang dagat at ang kaligayan na dulot nito. Tayong lahat ay may mga memorya sa nagdaang summer at ito'y magiging alaala na naman sa mga susunod pang taon. Mayroon   tayong kanya -kanyang aksiyon para labanan ang init ng araw mula sa simple hanggang sa pinaka engrande. Plain man o espesyal na pamamaraan ang mahalaga ay nakakapagdulot ng masasayang alaala at damdamin sa mga kapamilya man, mga kaibigan, at mga espesyal na minamahal. Kaya sa mga susunod na araw, kung may plano pa ang barkada gawin na yan. Huwag nang antayin ang tag-ulan at baka sa tubig-baha na lang tayo magtampisaw sa   mga susunod na araw.

Maligayang araw sa inyong lahat at nawa'y lagi ka sanang naliligo maski hindi man sa dagat. Kolektahin ang mga memorya ng nagdaang tag-araw at huwag kalimutang i-post sa Facebook sabay damihan ng hashtags #sunkissed #boracaybabe #beachselfie #sandalbida #instasummermoments #summerlovin

Goodbye Summer! sealed with a kiss! :*

Guitar Man's Good Vibes

"Uso pa ba ang haranaaaa? Marahil ikaw  ay nagta-tah-kaa, ay pota  ano nga ba lyrics nun?"

"Oy! Paps! Ano'ng bago natin diyan? Eto tol, "Sinking out loud'...."Su hane now...Teyk me into your labeng arms...kes me ander da layt of a towsand stars...Pleys your head on my beting hart....Aym sinking awt lawd..."

Meron lagi sa tropa ang marunong tumugtog ng gitara..95% ng lahat ng magbabarkada ay may musikero, sigurado yan pustahan pa tayo. Ultimo ang mga Tausug at Badjao ay  may designated na taga-tugtog, mapa-batingaw, gong man yan o banduria. (Teka...ano to, HEKASI?)

Kinig ka muna dito and chill with this song remake....

Moving on...

Malakas na power sa tropa ang taga-tugtog. Kung ano ang sikat sa radyo ay siyang inaaral ng sikat na gitarista specialist ng barkada. Para pagdating ng happy hour weekends  tambay o inuman eh hindi siya mauubusan ng kanta, lalo na 'pag nalasing na ang mga babae at paulit-ulit nilang nirerequest ang "Torn" ni Natalie Imbruglia.

"Nothings right am Torn! I'm all at a place...This is something real..I'm call and out ashamed..."

Siyempre  napag-aralan na ni gitara noy ang kantang yun. At madalas nyang pag-aralan ang songhits kesa sa mga libro niya. Mapa-strumming o plucking ay kabisado na niya, pati na din ang intro ng "Now and Forever" ni Richard Marx at "Heaven Knows" ni Rick Price.

Hinding-hindi mawawala sa hit list ang "Harana" at Pare ko". Duon sa kanto namin dati sa San Andres Bukid, Manila eh lagi mong maririnig yang dalawang kantang yan habang nabubusog sa isaw at betamax ang mga nakikinig. Kapag medyo nalasing na at gumanda na ang kanilang english accent ay babanat na yan ng panay plucking at kakantahin na ang "More Than Words" ng Extreme. Intro pa lang ay makalaglag-panty na, diba? yan yung mga nagpapanty pa ha.

Ikaw sa barkada mo ilang ang gitarista, ilan ang singer? Meron din ba na mahilig sa flute, violin o harp?O baka naman may kaibigan ka na sa dahon lang eh nakakagawa ng musika yun gtipong Levi Celerio, kaso sabi nalason daw si Manong Levi dun dahil yung tinira niyang dahon eh may lason sa dagta. Wag na lang, balik na lang tayo sa gitara.

Ang paggigitara  ay tamang pampalipas oras. Ang kadalasang eksena diyan eh pupunta ka sa bahay ng kapitbahay mo at magja-jamming kayo, mga bandang tanghali yan makatapos pananghalian. Yun kasi yung mga boring times eh kung ikaw eh hindi sanay matulog sa tanghali. Dala-dala ang songhits, pag-aaralan mo ang chord chart na nasa gitnang pahina. Magpapaturo ka sa barkada mong marunong at ang mga kadalasang itinuturo ay :

Pare ko by Eraserheads. Madali lang ang strumming at chords nito. Siguro e hindi lalampas ng tatlong chords ang magagamit sa buong kanta.

Harana by Parokya ni Edgar. Okay. medyo hindi pa naman gaanong kalumaan ito. Talaga nga naman pogi points ka dahil sa title pa lang ng kanta e halata na ang intensiyon mo kung bakit kmo gusto mong matutunan 'yan. Kaso ang tanong, "Uso pa ba ang harana?"

More Than Words by Extreme. Intro lang  naman ang gustong alamin ng mga lalake rito e. Konting plucking plucking lang (at tapik sa gitara) ready to go na at pagkatapos nun e uulit ulitin nila ang parteng yun at kuntento na sila.

Picha Pie by Parokya ni Edgar. Eto mabilis-bilis pero strumming lang din naman, hindi mahirap matutunan.

Ang Huling El Bimbo by Eraserheads. Walastik! Ewan ko na lang kung hindi niyo sinubukang tugtugin ang isa sa mga pinakasikat na kanta sa kasaysayan ng bandang Pilipino.

'Foo Fighter's Dave Grohl's bloody guitar pick.'

Mabalik tayo sa mga lalaking nagpapacute. Actually yung mga nagpapaturong mag-gitara ay hindi naman talaga nakakabuo ng isang  matinong piyesa. O kung matuto man sila ay parang parating paos ang tunog ng gitara. Ang siste, talagang gusto lan gnilang ma-feel na merong instrumentong pinapasadahan ang kamay. At masarap ang pakiramdam nang nagkakantahan kayo habang ngumangata ng tatlong supot ng Lechon Manok o kaya chicharon. Ang end result? Walang kinalaman sa chicks. Tamang pangrerelaks lang sa tambayan niyo at kahit na wala sa tiyempo ang pag-strum sa gitara e feeling good pa rin. Hayahay good life...

INTROBOY. Eto naman yung mga nagpapakyut lang sa gitara sa iskul, sa kanto, sa tambayan o kung saan man. Siyempre gets niyo na kung bakit yan ang tawag. Eh puro intro lang ng mga kanta ang alam eh. Basta makahawak lang ng gitara sa harap ng mga tao at maka-strum lang. Pakyut nga eh. Pakyu!

"O pare ko... (dyen dyen dyenen dyen). Meron akong problema (dyen wenk wonk  wonk).. Ay nakalimutan ko na." yan kadalasan ang banat ng mga introboy.

"Uso pa ba ang haranaaa? Marahil ikaw ay nagtaah-tah-ka. Ay pota, ano nga ba lyrics nun?" ang palusot na naman ni introboy.

"HOY GAGO!  Bitawan mo na nga yan at ibigay mo sa marunong talaga mag-gitara!" yan ang sigaw naming mga alaskador boys. "WAG  MO BITAWAN YAN AT IHAHAMPAS  NAMIN YAN SA NGALA-NGALA MO!" Weh, talaga? sabay takbo palayo si introboy at  kinukusot  kusot ang mata.

Hindi mo rin naman masisisi si introboy kasi malakas talaga ang dating ng mga lalaking nagigitara sa chicks. Eto ang kumakalaban sa pagka-cool ng mga varsity players at gwapong estudyante. Kahit hindi ka ganun kagwapuhan at katangkaran pero gitara boy ka, dale mo ang atensiyon sa chicks. Pakitaan mo lang ng isang buong  gitara ng "With a Smile" eh siguradong kasama ka na sa "Who is your crush?" nila sa autograph book or slam book.

Kapag susuriin mo ang bag ni gitara boy, bagong-bago pa rin ang mga notebook at libro pero ang songhits? Ang dami nang tupi-tupi at halos rumorolyo na yung dulo sa kakagamit. Yan ang peyborit subject niya.

Masarap talagang magkaroon ng gitara boy sa tropa lalo na kapag nakatambay kayo. May alak man o wala eh napapasaya pa rin ang tambay moments niyo. Mag-gigitara lang siya at sabay-sabay kakanta ang mga bopols sa gitara at magiging instant singer na ang lahat.

"Bakit, bakit ba? Iniwan mong nag-iisa!" ang kanta naming lahat. Siakol yan pards! Ohh yeah! \m/

"May libre kang tooth....paste toothpaste! may libre kang tooth...brush toothbrush! ang kanta namin sabay halakhakan, batukan at harutan. Wala lang hindi pa kasi ganon kahalaga ang oras nuon, hindi katulad ngayon magulo at komplikado ang lahat ng bagay.

Kaya kahit hindi ka marunong mag-basketbol, hindi kagalingan sa pagpapatawa o hindi pogi basta gitara boy ka eh marami ka pa ring magiging barkada at magkakacrush sa'yo. Masaya ang buhay kapag may gitara boy!

May gitara ba kayo diyan? Paheram naman!

Hanap ng Babae sa Isang Lalake

'Ano naman ang hanap ni girlie sa isang boyet?'

Kamakailan lamang hinimay himay natin na parang balat ng hipon kung ano nga ba ang nagugustuhan ng lalake sa isang babae, ngayon sa pagkakataong ito bigyan naman natin pansin kung ano naman ang hanap ng mga babae sa isang lalake. Ready na ba kayong mga  boyet? At para mas maging makatotohanan ang ating  paksa sa gabing ito ay nagtanong  tayo sa ating mga kilalang kababaihan kung anu-ano nga ba ang katangian ng  isang lalake ang kanilang hinahanap. Kaya ikaw boyet ihanda mo na ang iyong lapis at papel at mag write down notes ka na para malaman mo kung anong katangian ang nagugustuhan ng isang chiq sa ating mga kalalakihan.

Ibig ko lamang ipabatid sa mga mambabasa ng Ubas na may Cyanide na hindi eksperto ang inyong lingkod pagdating sa mga kababaihan. Siguro, kung ganun nga ako, eh malamang hindi ako single ngayon. Pero dahil naaliw ako sa pag-aanalisa at masalimuot na imbistigasyon ng mga g usto ng mga lalake sa mga babae, eh ngayon gusto ko namang isulat kung ano sa tingin ko ang hinahanap ng mga babae sa ating mga lalake.

Hindi ito sulit.com para itanong sa mga kababaihan natin  kung ano ang hanap nila, gusto lang natin bigyan ng isang patnubay o reference ang ating mga boyet sa dapat nilang malaman kung ano ang naiibigang kaugalian ng ating mga babae mapa-labas man na kaanyuan o panloob na kaugalian. 

Ang inyo pong mababasa eh pawang mga opinyon ko lamang, mga sagot ng ilang babaeng ating mga kaibigan, kakilala, kabatian sa umaga, hapon, tanghali at gabi, mga tambay sa labas, hot moms, single moms, mom bods, teenagers, call center agents, COC players,LOL players, Tetris battle players, babaeng naglaslas ng pa lengthwise, heartbroken girlies, taong-grasa girls, grade school students at kindergarten pupils. 

Gaya ng nakaraang kong pagbabahagi ng paksa tungkol sa nagugustuhan ng isang lalake sa isang babae, alisin na natin ang mga natural menteng hinahanap ng mga babae, mga pisikal at materyal na bagay. So out muna ang guwapo, maganda ang katawan, mayaman, at ang matitipunong "Jun-jun."

Gusto ko sana ilagay ito sa "battle of the sexes' na label, kaya lang wala naman atang papatol. So anyway, ready, aim, fire! Simula na natin ito...

PERSONALIDAD

Mas kapani-paniwala kapag ang mga girlie ang nagsabi na hindi importante ang looks para sa kanila, kesa sa  mga lalake na nagsasabi nun. Pansin ko ang mga babae eh mahilig sa mga lalakeng malakas ang personalidad. Mapakomedyante, bad boy ala Robin, hindi Robin ni Batman ha, (mga ilang araw pa maglaladlad na rin yan kagaya ni Iceman) ang ibig ko sabihin Robin Padilla yung kung maglakad eh parang talangkang sakang pero may porma, meron ding may gusto na nerdox pero kayang dalhin ang sarili nila, eh ok sa mga babae yun. Maglakad-lakad ka sa mall, makikita mo, andaming magagandang kababaihan na nakikipagholding hands sa mga lalaking mataba, pandak, napapanot, nakakalbo o di gaanong kagwapuhan ang karakas.Siguro, yung ibang lalake eh ubod ng ginhawa sa buhay, pero kadalasan, kapag nakikita mo sila, ang mga babae eh masayang masaya, kahit di kaguwapuhan ang kasama nila. Ang mahalaga kasi para sa kanila, eh yung napapatawa mo sila. Sa madaling salita, hindi boring. Aanhin mo nga naman ang isang guwapong lalake kung ang bibig naman ay pawang may ilang stitches at hindi nagsasalita, aanhin mo ang isang lalakeng cute dahil sa braces kung wala naman ginagawa kung di magselfie at laging inilalabas ang bakal sa   ipen niya at mas babae pa kumilos sayo? Aanhin mo ang lalake na mas  marami pang pulbo sa muka kesa sa foundation mo sa  pisngi?

SPONTANEOUS

Minsan may mga matatagal na ang relasyon, yung tipong higit sa lima o anim na taon nang nagsasama, kulang na lang yung papel para sabihin talagang husband and wife na sila, pero ayun sabi nga ng mapanghusgang lipunan ng social media "walang forever" at naghihiwalay pa rin. Ang madalas na sinasabing dahilan ng babae eh nagsasawa na sila sa isa't-isa. Wala na kasing bago. Oo wala nang bagong dahilan, kung puwede lang sabihin na, "o sige nagsasawa na tayo sa isa't-isa puwede bang ikaw naman ang maging babae at ako naman ang maging lalake for 5 years ulet ha." Lol pero walang ganun. Pero bakit nga ba nagkakasawaan? Ganun ba yun para lang mga apps sa phone na pabago-bago ang gusto at hilig ng mga tao sa isang laro. So ganun nga ba? Para lang isang laro ang pakikipagrelasyon o pag-aasawa? Masyado nang nasanay sa isa't-isa na nakakalimutang minsan kelangan lagyan ng anghang ang kanilang pagsasama. Kailangan pagsamahin ang tamis at anghang sa isang relasyon para bang UFC ketchup. Yung tipo bang, minsan sa isang taon eh lumabas ng Maynila, o di kaya ay umakyat ng bundok at duon gumawa ng bagong junior at puwede pangalanan si baby na "Pulag", "Daguldol", "Banahaw" o kaya eh "Hibok-Hibok". O kaya naman ay gumawa ng activities kapag may date. Dagdag pogi points sa ating mga boyet ang marunong manurpresa sa kanilang girlfriend. Na kahit sampung taon na kayong sagsasama, eh may mga bagay pa rin na noon niyo pa lang magagawa.

MAY EFFORT

Maaaring kahanay na ito ng pagiging spontaneous, hanap ng mga babae ang mga lalakeng marunong mag-effort. Eto yung kadalasan na kahit taga Tuguegarao si babae eh at taga Tondo si lalake eh tatlong beses sa  isang linggo bumibisita by means of biking (joke lang siyempre). Pero siyempre may mga ganyan pa rin naman na mga kalalakihan. Ang kaibigan ko, kapag nag-aaway sila ng boyfriend niya, kadalasan ang dahilan ng away na iyon eh wala siyang nakikitang effort sa kanya na iparamdam niya na mahal  niya yung babae. Yung simpleng bigyan siya ng pasalubong na kahit kornik o mani man lang na pasalubong kapag may lakad ito sa labas ng Maynila o kaya'y paminsan gastusan naman ang mga date nila (yung tipong di na sa Chowking at SM Cinema ang lakad nila, yung sa mga Resorts World Manilaaaaaahhh na dapat ang gala boyet). Yung kapag may tampuhan sila, yung lalake yung manunuyo kahit minsan yung babae ang may kasalanan. Hindi yung lalake pa ang magtatampo at hindi mangangausap. Talagang mababadtrip sa inyo ang mga girlie pag ganyan.

MAGALING SA SHERATON BEDS AT URATEX FOAMS

Oo likas kadalasan sa mga babae ang pagiging tahimik, pero wag ka tahimik man ang mga yan, sa  totoo eh malili..... din yan. Nasa loon ang kulo. Naku, kung naririnig niyo lang ang mga girl talk ng mga yan, kapag hindi sila nasatisfy.... kawawang Jun-jun. Dahil nga inherent sa babae ang pagiging ma-chikamosa, eh kelangan mo talaga magperform, mag enduranz sa sahig ay este sa kama. Pero mahalaga talaga na kaya mong dalhin ang moto ni Juan Ponce Enrile na "gusto ko happy ka" sa apat na sulok na kwarto na kasama ang babae. Mga boyet, minsan hindi masama makinig sa mga girl talk, kasi minsan, tuturuan  ka pa ng mga niyan ng technique na ginagawa sa kanila ng partner nila. Ano nga kaya gumawa ko ng group na "Girl Talk" sa aming Intranet social media  sa aming kumpanya at magpanggap na account na bilang babae at admin. Move on na tayo at masyado nang natutuwa ang mga boyets. (:

MAHABA ANG PASENSIYA

Siguro jackpot ang mga babae kung ang nahanap nilang boyfriend eh kaya silang samahan na mag-ikot-ikot sa mall ng walang naririnig na reklamo. Bibihira kang makakakita ng lalakeng papayag na magspend ng tatlo hanggang limang oras para samahan ang gelpren mamili ng damit at sapatos. Tapos wala namang bibilhin. Feeling ko nga ang mga lalakeng kayang gawin yun eh nawiwili ring magsukat ng damit ng babae sa sarili nila. Biro lang. Ang gusto kong ipabatid ay, ang mga lalakeng ganito eh mahahaba ang sandata este pasensiya. Hindi lang naman sa pamimili, makikita ito. Alam naman nating lahat na minsan sa isang buwan, ang mga girlie natin ay nagiging aswang. So sa panahon ng kanilang sapi, dapat kami'y mapagkumbaba. O kaya naman kapag hormonal. Actually, kahit sa paglatag ng mga desisyon (pabago-bago kasi ang mga isip ng mga babae) kailangan din ng mahabang pisi mas mahaba pa sa pisi ng saranggola ni Pepe, para walang maganap na away.

Alam ko marami pa. Si Bridget Jones nga, ang haba ng listahan eh. Pakidagdagan na lang kapag may naisip kayong bago na wala sa aking listahan. 

At eto na nga ang ating mga nakalap na mga datos sa ilang mga kakilala nating nagagandahan at nagseseksihang mga girlie. Nagtanong tayo sa kanila kung ano ang mga katangiang hinahanap nila sa mga kalalakihan. At ito ang  kanilang mga kasagutan:

"Iba-iba naman kami ng type eh. pro ako, gusto ko simple lang. Minsan naman kahit wala kang magustuhan sa guy, pag tinamaan ang girl, there's no question about it kung ano ang nagustuhan nya don.

Just remember be yourself kumbaga...Magpakatotoo ka brother!" - KLARIZ

"Hahahahahahaha hindi kasi ako natingin sa panlabas. para sakin bonus na kung may maganda kang mukha o katawan. Pero ang hanap ko kasi, una, mahal di lang ako pati yung mga mahal ko sa buhay. Pangalawa, kasundo ko. Aanhin ko ang gwapo o mayaman kung di ko naman nakakasundo sa mga trip ko. At siguro panghuli, God-fearing. Naniniwala ako na mas matibay ang relasyon kung si God ang pundasyon bwahahahahah!" :)) -ANNETTE

"simple lang naman mga girls eh...we r not really after sa luxury/wealth...the mere fact that the guy loves d girl,it's a great relief na." -OSANG

"Responsible, may respeto (kahit kanino,kahit sa sarili nya), may pangarap sa buhay, Mahal ako..mahal ko rin." -MAUREEN

"What do females want? sincere and unconditional love. you have to prove to her that you want to GIVE and not TAKE. you have to convince her that you're not playing around with her feelings, that's she's not someone you just want to score with. Easier said  than done." - SUMMER

-"Mabait sa Dios at sa tao, 
-may pagmamahal sa pamilya at sa kapwa
-may kusa sa paggawa ng mabuti.

-may mabuting kalooban its means maunawain etc pag cnbng may maBuTing kalo0bAn." -GEE

"Sa totoo lang, simple lang naman ang gusto ng babae eh. gusto nila ay ang isang lalaking totoo. yung lalaki na hindi sila gagaguhin. yung lalaki na pinapakita ang tunay niyang kulay habang nanliligaw kesa ang magpaimpress lamang. yung lalaki na mamahalin at aalagaan ang babae hanggang silay nagsasama. dahil siguro kahit ang mga lalaki ganyan rin naman ang hinahanap di ba?" - BUGSBUNNY

Godfear, sweet, responsible. as long as mahal ako at kaya akong ipaglaban,. ayun po,. sken ksi bsta my mabuting kalooban at parehas nman kmi ng nararamdam ok na ako,-BELLE

"Intelligence. And personally, I abhor guys that smell like perfume factories --- why do guys insist on pouring entire bottles of pabango on themselves all the time?" - DAGNY

-sweet
-maaalalahanin
-malakAs sense of humor

-understanding                   -CATHY

"Just be yourself. walang pretentions." - RYTZ 

"Good sense of humor, patient, respectful, adventurous." -KIRSTIN

"Be sweet and thoughtful, like paying attention to the littlest things...matutuwa ang halos lahat ng girls...malaking pogi points yan!!" - STEPH

"My sense of humor, magalang, madiskarte, understanding." -JHOAN

"MABAIT MATIYAGA MASIPAG MASIGASIG." - YEEE

"Gentleman. Courteous. Generous. Light-hearted." - CAMS

-Responsable
-sense of humor
-understanding

-family oriented -SHEREE

-mabait
-responsable
-understanding

-hindi seloso      - CHRIS ANNE

"Hmm. Im not into physical aspect masyado pero gusto ko sana matangkad saken at simple lang manamit. Saka mukang mabango. Haha. Attraction first bago mafall dba.
Second, gusto ko yung nkakakwentuhan ko ng different things. Deep conversation or not. Yung pede mo yakagin kung saan. Kasi komportable ko sa kanya. Siguro sa "chemistry" nyo na lang din yon.
Third, yung hindi mapag promise. Yung tipong basta nya na lang nya gagawin kasi alam nyang matutuwa ka sa gagawin nya. Well di ba some people make promises just to buy more time. And end up na drawing lang yon." - MILCAH

Smart
outspoken

chubby - QUINCY


"May taste sa music, someone na my sense of humour, intellegence." -TINZ

"Loyal, pasensyoso/kaya sabayan ang topak ko, witty, may sense of humour." - KATHERINE

"Confident, romantic, kind and syempre stick to one." -MISAKI

"Yung marunong makisama sa lahat ng tao. Maaalalahanin, masaya kasama (joker) at yung mapagmahal sa pamilya, at yung may abilidad sa trabaho." -AIRA

-Loyal 
-Honest
-Respectful

-Understanding - APRIL

"Chubby, may sense of humor, masarap kasama at ma effort." -AAIEY

"Honest, responsible and mukang malinis.." - NADINE KRISTINE

Ayan GABRIELA has spoken, siguro naman eh may napulot na diskarte ang ating mga kalalakihan kung ano talaga ang hinahanap hanap ng isang babae sa lalake. Pero kung bibigyan  mong pansin ang mga datos halos karamihan ay hanap ay may sense of humor, eto yung boyet na masarap kasama,  masaya makipagbiruan, joker at higit sa lahat mataas ang intelligent quotient. Hindi pa rin naman nawawala ang umaasa sa forever, ba't nga naman mawawalan ng pag-asa kung posible naman. At siyempre gusto nila yung mga lalakeng may yagballs, madiskarte, naeffort at kayang timbangin ang oras sa pamilya at trabaho. Eto nga marahil ang mga pantatag na pundasyon upang magkasundo sa relasyon ang mga lalake at babae.

And everybody wants to deserve that fresh-feeling kind of relationships at siyempre kapag nagtugma-tugma lahat ng kagustuhan ng isa't-isa, magiging masaya at masagana ang pagsasama at eto na ang susunod na destinasyon ng isang mag-irog.....

Ito ang ibig kong sabihin at mailalarawan sa kanta at bidyo na  ito. Gawin natin itong theme song sa post na  ito. Maraming salamat sa lahat ng partisipasyon at sa mga invisible readers  ko na nagbabasa. Magandang gabi sa inyong lahat! :)

Mula sa bandang Eels - "Fresh Feeling"

Katarantanungan: Anong Nagugustuhan ng Lalake sa isang Babae?

'Ano nga ba ang trip ng mga boyet sa isang girlie?'

Heto ako ngayon, hindi basang-basa sa ulan pero sa pawis at nilalabanan ang bigat ng katamaran sa aking katawan, kasabay ng katamaran ang sebong bumabalot sa kaisipan kung bakit  hindi ito gumagana. Pilit  kong  hineheadbang ang ulo ko at baka sakaling   makakuha ng kahit kaunting signal para mapagana ang aking lapis at papel. Kung kaya ko lang sabayan ang dance steps ng Macarena at Rumpshaker eh kanina ko pa ginawa upang ipagpag at iwasiwas ang pagsapi  ng kaluluwa ni Juan Tamad sa akin.

Pero pipilitin ko....pipilitin ko. Ano nga ba ang magandang pag-usapan? Medyo hindi ko trip ngayon ang mga throwback na topics. Gusto ko'y maiba naman ng kaunti.

Tahimik na at makakapag-isip ng mabuti, Huwebes pa lang at bukas pa ako bubulabugin ng Friday Night Videoke Gang Squad. Bukas pa maglalabasan ang mga "The Voice" singers ng Barcelona. Buti naman, pero ayoko ng ganitong katahimikan ni wala man lang kahit isang kuliglig na naligaw para humuni, o di kaya ay yung mga butiki sa kisame na nagliligawan. Wala kahit ni isang kaluskos, di ko trip ang ganito. Minsan sa sobrang katahimikan eh hindi ka rin gaanong makakapagfocus dahil baka kung ano na lang ang sumulpot dito sa aking likuran at nakatalikod pa naman ako sa aking bintana. Baka may magbasa ng aking sinusulat sa aking tenga. Hahahaha! Pota  bukas na lang nga ng umaga mas kampante ang katahimikan sa madaling-araw kesa sa ganitong papalalalim pa lang ang gabi. May naisip na naman akong paksa kaya relax lang and  just sleep for the meantime.

Pausing my brain at exactly 11:10 pm, Philippine Standard time. May 14,2015. Magandang gabi! To be continued....

May 15,2015 @5:43 pm. Ang sabi ko madaling araw ko tatapusin pero tila sinapian ako ng poging bampira at mas piniling gumising ng palubog na ang araw. Once in a blue moon lang ako makahimbing ng ganito, napakasarap pa lang magpractice ng kamatayan, pagkagising mo ay alive na alive ka at refreshing ang pakiramdam ang masama lang eh napakasakit ng aking likod sa tagal ng pagkakahiga panay ngalay at back pains ang aking nararamdaman.

Ayos lang  at baka konting inat lang ito ang mahalaga ay nilalantakan ko itong pagkain na nakaharap sa aking sa kasalukuyan. Ngayon pa lamang ako kakain at nilagpasan ang almusal at tanghalian. Ito na nga yung tinatawag na 'Altanghap' all in one package na ang tsibog ko dito ng pinakamasarap na Chicken Curry sa buong planeta ang superb na luto ni ermats. Sabaw pa lang ulam na. Teka at baka naiinip ka na  napakahaba na ata ng aking introduksiyon simulan na natin ito...

Ang napili kong pag-usapan ay tungkol sa "ANO NGA BA ANG NAGUGUSTUHAN NG MGA KATULAD KONG LALAKE SA ISANG BABAE?", ayan CAPSLOCK para intense!!

Obvious na ang magandang mukha, malaking boobs, at mahusay na katawan ay kasama sa mga listahan, pagbigyan nating ang mga hindi pinalad. Ang mga ililista ko eh yung mga katangian ng pagkatao na gusto namin sa opposite sex. Eto yung mga dahilan kung bakit nasasabi nilang LOVE is BLIND.

*MAY PAGKAMISTERYOSA*

Meron kasing mga taong, unang kilala mo pa lang, eh ikukuwento na sayo ang buong life story niya, kahit di ka nagtatanong ng paboritong niyang kulay, pagkain at  palabas eh sasabihin na sayo, kumbaga yung mga katanungan sa isang slambook eh ilalahad na sayo habang ikaw eh  naka  nganga lang sa mga sinasabi niya . Meron namang nagkukuwento ng history ng pangalan, ang buong kuwento ng kanunu-nunuan, at kahit kuwento ng alaga ng kapitbahay ng pinsan ng aleng nagtitind ng yosi ng takatak sa harap ng building ng dati niyang pinagtatrabahuan (jusme)....in short chismosa at madaldal. Pero siyempre ayos lang din naman ang makuwento, wala naman hassle duon, pero gusto rin naming mga kalalakihan na minsan ay gumamit ng detective skills upang makilala ng mabuti ang isang babae. Yung tipong puwede mong gamitan ng Socrative method para malaman ang mga sikreto nila. Pero kapag nalaman naming may pagka-serial killer type pala sila....ibang usapan na yan. Gusto ko yung tipong lumalabas sa gabi, naka-all black  tapos pupunta sa sementeryo at maghuhubad, magbubuhos ng langis sa buong katawan at hahaplusin ang 36-24-36 na body structure at tapos eh makikita mo pala eh humahati na ang katawan sa bewang ay putaaaa, takbuhan na impaktita pala!

*BABAENG GAME*

Oh iba ang nasa utak mo hindi ganun. Not necessarily sa kama. Ang ibig kong sabihin eh, eh yung madaling mayaya. Game siya sumakay sa tsubibo, manuod ng sine, kumain sa labas, magbasketball, mag-archery, mag-karpintero at bumali ng bakal lol pero siyempre joke na itong sa huling part hindi naman Amazona ang hanap ko. Iba pa rin kasi yung babaeng hindi makiyeme yung masarap makisama ang kumaen sa isang karinderia, magtutusok ng fishballs, squidballs, kwek-kwek sa madaling salita koboy pagdating sa pagkain lalo na kapag street foods. Sa madaling salita hindi maarte. Yung puwedeng one of the boys. Ang isa sa hinahanap naming katangian at sa magiging girlfriend, eh  yung tipong makakasundo  ng kanilang mga dabarkads. Hind yung tipong  kapag kasama ang mga kabarkada at kaibigan namin, eh uupo sa isang tabi. Tapos pag pauwi na, tsaka ka aawayin.

*SIYEMPRE MABAIT*

Nauunawaan naman namin na once a month, nagbabago ang pagkatao niyo, pero kung araw-araw ang ugali mo eh parang lagi kang may tagos, eh isang malaking turn-off! "Dear  may tagos ka na naman? Isang  buwan na yan ah may dugo ka pa ba?" Masarap maging single, masarap din naman yung may ka-partner ka. Pero kung ang girlfriend namin, eh hahayaan kaming mamuhay na parang bagang single kami, eh nakajackpot kami...Eto yung mga tipo ng babae na hindi dapat pinapakawalan. Pag sinabi kong, mamuhay ng single, hindi naman yung tipong mambababae. Ang ibig kong sabihin, yung tipong  hahayaan kang sumama sa mga lakad ng mga tropang lalake o yung boy night out  na tinatawag. Hindi maldita. Papatawarin ka, kung minsang makalimutan mo ang birthday o monthsary ninyo. Hindi naman martir o linta. Pero yung tipong bukas ang isipan.

*APPRECIATIVE*

Ang gusto ng lalake eh minsan, napapansin at inaappreciate yung  mga magagandang ginagawa namin. Hindi yung puros talak na lang ng  mga kabalbalan ang naririnig namin. Ang isa pang nakakaturn off ay yung kapag nang-aaway, eh iuungkat pa lahat ng kasalanan na inamin na naman na nagawa nam in noon previous life. Please lang hindi na kailangan ng throwback sa ganitong sitwasyon. Yung tipong nakalimutan na at nabaon na sa limot ay inuungkat pa rin.

*HINDI INSECURE*

Siguro lahat ng away magkasintahan, eh nagmumula sa pagiging insecure ng mga kababaihan. Nagseselos kapag tumitingin kami sa mukha (o dede) ng ibang babae. Yung tipong palaging magtatanong kung tumataba ba sila (hindi cute yun, lalo na kung h indi kayo naniniwala sa sagot namin, at kapag sinabi mo naman "oo" mababadtrip! lol). Iba ang pa cute, iba  rin ang insecure. Nakakairita mas lalo yung mga babaeng walang tiwala sa sarili, lalo na kung namimihasa na. Kung babaeng confident ka teh, the best ka. Yung tipong, kaya mo kaming pahabulin at kaya mong paikutin ang aming mundo. Madalas nagiging bopols kame sa  mga babeng ganito, pero okay lang. Gaya ng sabi ko, kameng mga kalalakihan ay welcome sa challenge. 

*MATALINO*

Eto, personal choice ko. Ang gusto ko eh, babaeng kaya makipagsabayan sa mga usapan namin. Yung tipong may mga laman ang mga sinasabi, at hindi puros hangin lang. Tahinik akong tao, pero kapag ang babae, ay napagkwento ako tungkol sa mgabagay-bagay, kung hindi man kami magkatuluyan, eh itatago ko siya bilang isang kaibigan. 

Alam kong hindi makikita ang lahat ng ito sa iisang babae lang, pero ang mahalaga eh meron sila kahit at least dalawa o tatlo sa mga katangiang ito, okay na ako. May forever na kung ganito.

PS: Ito naman ang pinaka ayaw ko sa isang babae. Ganitong-ganito sa video na ito. Patawarin.

'Lalaki tumalon sa isang mall dahil napagod sa ka-sho-shopping kasama ang girlfriend.'

Love your Super Nanay A.K.A (Malambingus Maalagasis)

'Isang uri ng  species ang mga Nanay, hindi alien ngunit isang tunay na regalo mula sa langit.'

        Maraming uri ng Nanay sa buong mundo, merong nanay na sobrang kabaitan, merong

sobrang lambing, merong  istrikto, merong seryoso at business minded, merong  mga nanay na nabubuhay sa kalungkutan sa kasalukuyan, may mga nanay na mataba, payat, katamtaman, meron din namang nanay na sexy at karaniwan ay tawag ay hot moms, merong mga nanay na simple lamang. meron tayong mga nanay na emosyonal at meron din namang masayahin, merong mahilig manood ng telenobela, at meron din namang mga cyber nanay, merong mga nanay na  mahilig sa social media, merong mga nanay na dakila na nantatrabaho abroad habang ang mga anak ay petiks lang sa buhay, may mga nanay na pilit pinalaki ang mga anak dahil sa sikap nitong magtrabaho mula sa pagtitinda sa palengke, pagkakatulong, paglalabada, pag lalady guard sa gabi, pagtatrabaho sa isang pabrika, call center, malls bilang sales ladies, bangko, teacher, trabaho sa gobyerno at marami pang iba, may mga nanay din naman na masarap magluto, maalagain  kapag maysakit ang mga anak,may mga nanay na pinaiiyak ng mga anak dahil sa konsumisyon, may mga nanay na lumalaban sa malalang sakit, may mga nanay na madasalin, may mga nanay na tatay, merong mga nanay na nakakulong sa rehas at me ron din naman tayong mga nanay na pumanaw na...

Hep! Pause muna. Narito ang isang kanta na nagbibigay impresyon kung paano tayo inalagaan ni Nanay habang tayo ay nasa loob ng kanyang sinapupunan.

Massive Attack - "Teardrop"

Love, love is a verb

Love is a doing word

Fearless on my breath

Gentle impulsion

Shakes me, makes me lighter

Fearless on my breath

Teardrop on the fire

Fearless on my breath

Night, night after day

Black flowers blossom

Fearless on my breath

Black flowers blossom

Fearless on my breath

Teardrop on the fire

Fearless on my...

Water is my eye

Most faithful mirror

Fearless on my breath

Teardrop on the fire

Of a confession

Fearless on my breath

Most faithful mirror

Fearless on my breath

Teardrop on the fire

Fearless on my breath

You stumble in the dark

You stumble in the dark

    Pero kahit ano pa man ang kaugalian at karakter ng iyong Nanay paniguradong ang tanging hangad lamang ay magtagumpay ang mga anak sa buhay. Para sa akin isang uri ng species ang mga Nanay hindi alien ngunit isang regalo na galing sa langit. Napakasarap mag-alaga ng isang ina, uhugin ka pa lang sa kindergarten ay inalagaan niya na ang ilong mo sa pagtulo ng iyong sipon para maging presentable sa klase, pinunasan niya ang   iyong mga laway habang ikaw ay mahimbing na  natutulog, hindi siya makatulog minsan kung ikaw ay maysakit, si nanay ang unang mong guro na nagturo sa iyo ng abakada, siya rin ang nagturo sa aking magsintas ng sapatos na halos isang buwan ko bago matutunan, pesteng anak ang dali malito sa mga pagtatali tali. Kay nanay ka rin unang nakarinig ng isang malamyos na tinig na pagkanta bago ka matulog, ito yung "Rock-a-bye-baby on the tree tops, when wind blows the cradle will rock". Kahit hindi mo alam pa ang ibig sabihin ng kanta ay makakatulog ka na lang o di kaya yung "Tulog na beybi ko  habang tinatapik-tapik niya pa ang iyng puwit habang pinapaypayan ka habang natutulog. Kausuhan kasi ng brownout nuon. Sa araw, sa duyan ka niya inihehele at binabantayan sa kagat ng mga lamok o kahit anong insekto sa gabi naman ay sa kulambo ang iyong hideout. Sa loob ng kulambo kung saan binabasahan ka niya ng mga bed time stories at duon ko unang nakilala sila Cinderella, Snow White at Rapunzel ang malalanding hitad na may magandang kuwentong pag-ibig, minsan naman eh  komiks ang binabasa sa akin ni Ina. Mayroong kababalaghan, katatakutan, at katutuwaan.

'Ang aking Supernanay'

      At sa komiks ko naman unang nakilala si NikNok ang batang ubod ng bibo. Hindi talaga matatawaran ang pag-aasikaso ng isang Ina, nariyan ang paghahanda niya ng almusal sa umaga, paggising ng mga anak ay meron nang nakahandang pagkain sa lamesa at bibig mo na lang ang ihahanda mo sa masarap na almusal. Ang sorpresa na  luto niya sa tanghalian kung saan galing ka sa eskuwela ay napaka espesyal. Masarap at malinamnam  na tanghalian at sa  gabi naman ay maghahain ng may sabaw na ulam. Masarap talaga sa piling ni Nanay ang sabi ko nga sa isang kanta ni Andrew E. "mawalay man ang tatay, hindi ka iiyak kaya maging loyal ka kay Nanay at ibigin mong tunay." Aba eh sino  ba ang unang kasama mo nang ikaw ay unang pagupitan ng buhok, siyempre si Nanay lang at kahit pa na-divirginize ang aking mga mata sa   mga hubad na kalendaryo ng aking barbero ay okay lang at pumikit na lamang ako. Malamang ang iba sa atin ay si Nanay din ang nakasama sa pagputol ng excess  na balat sa ating pututoy nung ikaw ay dinala sa  klinik para magpatuli. Hindi ka  takot sa gunting at karayom at sinulid, ang kinatatakutan mo ay yung bading na tutuli sayo. Walang palya si Nanay sa pagsundo't-hatid sa iyong eskuwelahan, si Nanay  din ang taga-gawa ng iyong baong sandwich na hotdog ang palaman at hinding hindi niya makakalimutan na samahan ng Magnolia Chocolait sa iyong lunchbox na baunan dahil alam  niyang sobrang paborito mo ito. Nagkakaron ka ng sigh of relief kapag nakita mo na ang Nanay mo sa gate na tuwang-tuwa habang pinagmamasdan ka niyang nakasuot ng uniporme ng eskuwelahan, natutuwa siya dahil unti-unti ka nang lumalaki at nadadagdagan ang mga natutunang mabubuting asal sa eskuwelahan. Tuwing Linggo at araw ng simba, pagkatapos manalangin sa isang misa, siyempre dadalhin kayo ni Nanay sa Jollibee ang tila  one stop kainan ng mga bata. oorder ka ng paborito mong Jolly  hotdog at french fries minsan kapag may promong laruan ay ibibili ka niya. Katulad na lamang ng Teenage Mutant Ninja Turtles na promo noon at iyon ay aking nakumpleto. Hindi ko na lang nga  alam ngayon kung saan na ito lahat napunta. Ang natira na lang sa akin ay si Dona, oo si  Donatello. Nagkandawalaan na rin ang aking mga laruan, pero most of all my toys are provided ni erpat. Naging masaya rin ako sa mga high-tech na laruan na yan kagaya na lang ng remote control na kotse, pero simula talaga bata hilig ko na ang komiks dahil   hilig ko talaga ang magbasa. Pasalamat na rin sa aking yumaong tatay na ipinakilala sa akin ang mga gadget at computer habang si Nanay naman ay mga simpleng bagay pero mas enjoyable. 

Pero habang lumalaki tayo, aminin mo man o hindi minsan hindi na natin nabibigyang pansin ang ating mga Nanay. Habang lumalaki ka minsan ay hindi ka na nagiging malambing at matulungin sa kanya, maaaring lumuluwang na ang bigkis ng pagmamahal sa Ina dahil nakokornihan ka na minsan sa pagsasabi ng "I love you" sa kanya. Ba't nga ba minsan habang lumalaki ang tao mas nagiging siraulo ang ilan? Bakit kung kelan nadedevelop na ang mga buto,balat, laman at mga ugat sa ating utak ay dun pa tayo naluluwagan ng tornilyo sa ulo. Bakit ba paglaki mo ng hayskul ay sobra mo nang pasaway at matigas na ang ulo, bakit nalulong ka na sa  bisyo ng simula kang maging malaya? Bakit nasasagot mo na ang iyong Ina ng pabalang dahil  hindi siya pumapayag sa kagustuhan mo kapag nagpapaalam ka na umalis ng gabi sa inyong tahanan? Hindi mo ba naisip na para lamang ito sa iyong kaligtasan? Bakit naging mas makasarili ang mga anak at ang tanging kagustuhan lamang nila ang nasusunod? Habang patuloy ang  paglaki mo patuloy rin ang pagbagsak mo sa eskuwelahan at minsan napapasama pa sa trouble? At bakit ba hindi kaya ng mga anak isipin ang kanilang mga magulang na  pinilit  silang mapalaki ng mabubuti, hinubog sa mabubuting asal ngunit lahat ng gintong aral ay tila ibinabasura ng mga ito. 

Ang ating mga Nanay pa rin ang  numero unong taga-payo tungkol man ito sa trabaho, eskuwelahan o pag-ibig. Masuwerte tayo't nariyan  siya upang gabayan tayo sa ating  mga ginagawa mali man ito o tama. Inaamin ko na ako'y maka Nanay sapagkat siya ang nagturo at naghubog sa akin sa magagandang asal, respeto sa tao maging man sa hayop at siya ang humubog sa amin para maging ganap na tao para hindi maging perwisyo sa lipunan. Masasabing kong walang labis at walang kulang  at walang kapantay ang  pagmamahal ng ating mga Nanay kaya't marapat natin siyang pasalamatan sa araw na ito ng mga Nanay.

Happy Mother's day sa lahat ng  mambabasa ng blog na ito ng Ubas na may Cyanide. Mabuhay ang ating mga Nanay! Let all our Nanay's unite! Magandang gabi sa lahat!